കേരളത്തില് 1982ലെ ഏഴാം നിയമസഭയ്ക്കു ശേഷം യുഡിഎഫും എല്ഡിഎഫും ഒന്നിടവിട്ട് ഭരണം പിടിച്ചപ്പോള് ഒല്ലൂരും അതേ പാറ്റേണ് പിന്തുടര്ന്നു. 1982 മുതലുള്ള 8 തെരഞ്ഞെടുപ്പുകളില് 1982, 1991, 2001, 2011 എന്നീ വര്ഷങ്ങളില് യുഡിഎഫും 1987, 1996, 2006, 2016 വര്ഷങ്ങളില് എല്ഡിഎഫും ഇവിടെ ജയിച്ചു. ഈ വര്ഷങ്ങളില് ഇവിടെ ജയിച്ച മുന്നണിക്കായിരുന്നു സംസ്ഥാന ഭരണവും. മുന്നണികള് മാറിമാറി ഭരണം പിടിച്ചിരുന്ന കേരളത്തില്, 2021ലെ നിയമസഭാ തെരഞ്ഞെടുപ്പില് രാഷ്ട്രീയ ചരിത്രം തിരുത്തികുറിച്ച് എല്ഡിഎഫ് തുടര്ഭരണം നേടിയപ്പോള്, സിറ്റിങ് എംഎല്ഐയെ തോല്പ്പിക്കുന്ന ശീലം ഒല്ലൂരും മാറ്റിക്കുറിച്ചിരുന്നു. 2016ല് 13,248 വോട്ടുകളുടെ ഭൂരിപക്ഷത്തോടെ എംഎല്എയായി തെരഞ്ഞെടുക്കപ്പെട്ട സിപിഐയുടെ കെ രാജന് 2021ല് ഭൂരിപക്ഷം 21,506 ആയി ഉയര്ത്തി വിജയം നിലനിര്ത്തി, ഒപ്പം കേരളവും എല്ഡിഎഫിന് തുടര്ഭരണം നല്കി. ഇത്തവണ വിജയം നിലനിര്ത്തി കെ രാജന് ഒല്ലൂരില് തുടരുമ്പോഴാണ് കേരളത്തില് യുഡിഎഫ് അധികാരത്തിലെത്തിയത്.
admin