നെൻമേനി ഗവ. വനിതാ ഐ.ടി.ഐ യിൽ നിന്നും 2026 ലെ അഖിലേന്ത്യാ ട്രേഡ് ടെസ്റ്റ് വിജയിച്ചവരുടെ കോൺവൊക്കേഷൻ ഗ്രാമ പഞ്ചായത്ത് പ്രസിഡൻ്റ് ഗംഗാധരൻ ആത്താർ ഉദ്ഘാടനം ചെയ്തു. മികച്ച വിജയം നേടിയ ട്രെയിനികൾക്കുള്ള ഉപഹാരങ്ങൾ ഗ്രാമ പഞ്ചായത്ത് അംഗം ഹനീഫ ചുള്ളിയോട് വിതരണം ചെയ്തു. പി.ടി.എ പ്രസിഡൻ്റ് വാസന്തി സുരേന്ദ്രൻ അധ്യക്ഷത വഹിച്ചു. റിട്ട. പ്രിൻസിപ്പൽ പി.എം. വർഗീസ് മുഖ്യ പ്രഭാഷണം നടത്തി. സീനിയർ ഇൻസ്ട്രക്ടർ ബെന്നി.എം.ജെ, പൂർവ്വ വിദ്യാർത്ഥി പ്രതിനിധി ശാരിമോൾ എന്നിവർ സംസാരിച്ചു. ചടങ്ങിനോടനുബന്ധിച്ച് സംഘടിപ്പിച്ച കരിയർ കൗൺസലിംഗ് സെഷനിൽ കുടുംബശ്രീ ജില്ലാ പ്രോഗ്രാം മാനേജർ ആശാ പോൾ ക്ലാസ് നയിച്ചു. പ്രിൻസിപ്പൽ ജീവൻ ജോൺസ് സ്വാഗതവും അതുല്യ.കെ.ടി നന്ദിയും പറഞ്ഞു.