വയനാട് ചുരത്തിൽ നിലവിൽ രൂക്ഷമായ ഗതാഗത തടസ്സമാണ് അനുഭവപ്പെടുന്നത്. വയനാട് ഭാഗത്ത് വൈത്തിരി വരെ വാഹനങ്ങളുടെ നീണ്ട നിര ദൃശ്യമാണ്. കോഴിക്കോട് ഭാഗത്തുനിന്നും ചുരം കയറുന്ന വാഹനങ്ങളും കനത്ത ബ്ലോക്കിൽ കുടുങ്ങിക്കിടക്കുകയാണ്. പ്രധാന നിർദ്ദേശങ്ങൾ: ഓവർടേക്കിംഗ് ഒഴിവാക്കുക: ചുരത്തിലെ ബ്ലോക്ക് ഇത്രയധികം വർദ്ധിക്കാൻ പ്രധാന കാരണം വാഹനങ്ങളുടെ അശാസ്ത്രീയമായ ഓവർടേക്കിംഗാണ്. ഒരു വാഹനം തെറ്റായ വശത്തുകൂടി കയറുന്നത് ഗതാഗതം പൂർണ്ണമായും സ്തംഭിക്കാൻ കാരണമാകുന്നു. അതിനാൽ യാതൊരു കാരണവശാലും ഓവർടേക്ക് ചെയ്യാതിരിക്കുക. അത്യാവശ്യ യാത്രക്കാർ മാത്രം: നിലവിലെ സാഹചര്യം പരിഗണിച്ച് അത്യാവശ്യ ഘട്ടങ്ങളിൽ ഉള്ളവർ മാത്രം ഈ പാത തിരഞ്ഞെടുക്കുക. മറ്റുള്ളവർക്ക് ബുദ്ധിമുട്ടുണ്ടാക്കാത്ത രീതിയിൽ മാന്യമായി വരി പാലിച്ച് യാത്ര ചെയ്യുക. സഹകരിക്കുക: ട്രാഫിക് പോലീസിന്റെയും വോളന്റിയർമാരുടെയും നിർദ്ദേശങ്ങൾ കർശനമായി പാലിക്കുക.