മലപ്പുറം: നിലമ്പൂരില് പിണറായിസത്തിന്റെ അവസാനത്തെ ആണി അടിക്കുമെന്ന് പി വി അന്വര്. ഉപതെരഞ്ഞെടുപ്പ് പ്രഖ്യാപിച്ചതില് സന്തോഷമുണ്ട്. പിണറായിസത്തിന്റെ അവസാനത്തെ ആണി അടിച്ചിരിക്കുമെന്നു പറഞ്ഞാല് അടിച്ചിരിക്കും. അതില് ആത്മവിശ്വാസമുണ്ട്. പിണറായിസം എന്താണെന്ന് വിസ്തരിക്കപ്പെടുന്ന തെരഞ്ഞെടുപ്പായിരിക്കും നിലമ്പൂരില് നടക്കാനിരിക്കുന്നത്. യുഡിഎഫ് സ്ഥാനാര്ത്ഥിയെ സംബന്ധിച്ച് ഒരു നിലപാടുമില്ല. യുഡിഎഫിന് പരിപൂര്ണ പിന്തുണയാണ് നല്കിയിരിക്കുന്നതെന്നും പി വി അന്വര് മാധ്യമങ്ങളോട് പറഞ്ഞു.
യുഡിഎഫ് പ്രഖ്യാപിക്കുന്ന ഏതു സ്ഥാനാര്ത്ഥിയായാലും അംഗീകരിക്കും. അത് ജനങ്ങളുടെ സ്ഥാനാര്ത്ഥിയാണ്. ജനങ്ങളും പിണറായിസവും തമ്മിലുള്ള ഏറ്റുമുട്ടലാണ് നിലമ്പൂരില് നടക്കുക. ആ ഏറ്റുമുട്ടലില് ആരെ നിര്ത്തിയാലും, കേരളത്തിലെ മൂന്നരക്കോടി ജനങ്ങളുടെ പ്രതിനിധിയായിട്ടാണ് നിലമ്പൂരിലെ ജനങ്ങള് യുഡിഎഫിന്റെ സ്ഥാനാര്ത്ഥിയെ കാണാന് പോകുന്നത്. നിലമ്പൂരില് ജനങ്ങള്ക്ക് ജീവിക്കാന് കഴിയാത്ത സാഹചര്യമാണുള്ളത്. കാര്ഷിക മേഖല തകര്ന്നു. വന്യജീവി ശല്യം രൂക്ഷമാണ്.
ONLINE