തിരുവനന്തപുരം: അറബിക്കടലില് ന്യൂനമര്ദ്ദം രൂപപ്പെട്ടു. മധ്യ കിഴക്കന് അറബിക്കടലില് വടക്കന് കര്ണാട-ഗോവ തീരത്തിന് മുകളിലായാണ് ന്യൂനമര്ദ്ദം രൂപപ്പെട്ടത്. തുടര്ന്ന് വടക്കോട്ടു നീങ്ങുന്ന ന്യൂനമര്ദ്ദം അടുത്ത 36 മണിക്കൂറിനുള്ളില് തീവ്രന്യൂനമര്ദമായി ശക്തി പ്രാപിയ്ക്കാന് സാധ്യതയെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
മധ്യ കിഴക്കന് അറബിക്കടലില് വടക്കന് കര്ണാട-ഗോവ തീരത്തിന് മുകളിലായി നിലനിന്ന ചക്രവാതചുഴിയാണ് ന്യൂനമര്ദ്ദമായി രൂപാന്തരം പ്രാപിച്ചത്. ഇതിന്റെ സ്വാധീനഫലമായി കേരളത്തില് അടുത്ത 5 ദിവസം വ്യാപകമായ മഴയ്ക്ക് സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു.
ഒറ്റപ്പെട്ടയിടങ്ങളില് ഇന്നും ശക്തമായ മഴയ്ക്ക് സാധ്യതയുണ്ട്. ഇടിമിന്നലിനും, മണിക്കൂറില് 40 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് അറിയിച്ചു. ഇന്ന് രണ്ടു ജില്ലകളില് യെല്ലോ അലര്ട്ട് പുറപ്പെടുവിച്ചിട്ടുണ്ട്. കണ്ണൂര്, കാസര്കോട് ജില്ലകളിലാണ് ഇന്ന് ശക്തമായ മഴ മുന്നറിയിപ്പുള്ളത്.
ONLINE