ന്യുഡല്ഹി: പാകിസ്ഥാന്റെ ഭീകര പ്രവര്ത്തനങ്ങള് തുറന്നുകാട്ടാന് വിവിധ രാജ്യങ്ങള് സന്ദര്ശിക്കുന്ന പ്രതിനിധി സംഘത്തില് തന്നെ ഉള്പ്പെടുത്തിയ കേന്ദ്രസര്ക്കാര് തീരുമാനം ബഹുമതിയായി കാണുന്നുവെന്ന് കോണ്ഗ്രസ് എംപി ശശി തരൂര് sashi tharoor. ദേശതാത്പര്യവുമായി ബന്ധപ്പെട്ട വിഷയങ്ങളില് നിന്ന് മാറി നില്ക്കില്ലെന്നും തരൂര് പറഞ്ഞു. ഒപ്പം കേന്ദ്രസംഘത്തെ നയിക്കുന്നവരുടെ പട്ടികയും തരൂര് എക്സില് പങ്കുവച്ചു.
കോണ്ഗ്രസ് നിര്ദേശിച്ച പേരുകള് തള്ളിയാണ് പ്രതിനിധി സംഘത്തില് കേന്ദ്രസര്ക്കാര് തരൂരിനെ ഉള്പ്പെടുത്തിയത്. നാല് അംഗങ്ങളുടെ പേരാണ് കോണ്ഗ്രസ് കേന്ദ്രസര്ക്കാരിനെ അറിയിച്ചത്. മുന് കേന്ദ്രമന്ത്രിയായ ആനന്ദ് ശര്മ, ഗൗരവ് ഗെഗോയി, സയ്ദ് നാസീര് ഹുസൈന്, രാജ് ബ്രാര് എന്നിവരുടെ പേരുകളാണ് കോണ്ഗ്രസ് നിര്ദേശിച്ചത്. അതേസമയം കേന്ദ്രസര്ക്കാര് പുറത്തുവിട്ട എംപിമാരുടെ പട്ടികയില് ശശി തരൂരിനെ ഉള്പ്പെടുത്തിയിട്ടുണ്ട്.