ഇറാൻ ചാബഹാർ തുറമുഖത്തിനുള്ള അമേരിക്കൻ ഉപരോധ ഇളവ് ഇന്ന് അവസാനിക്കും

ഇറാനിലെ ചാബഹാർ തുറമുഖത്തിനുള്ള അമേരിക്കൻ ഉപരോധ ഇളവ് ഇന്ന് അവസാനിക്കും. ഇറാനിൽ ഇന്ത്യയുടെ നിയന്ത്രണത്തിലുള്ള തുറമുഖമാണ് ചാബഹാർ. ഉപരോധം മറികടക്കാൻ തുറമുഖത്തിന്റെ താത്കാലിക നടത്തിപ്പ് ഇന്ത്യ ഇറാനിയൻ കമ്പനിക്ക് കൈമാറും. ഉപരോധം നീങ്ങിയാൽ നിയന്ത്രണം ഇന്ത്യയ്ക്ക് തിരിച്ചുനൽകണമെന്ന വ്യവസ്ഥയോടെയാകും കൈമാറ്റം.

കഴിഞ്ഞവർഷം ഒക്ടോബറിൽ തന്നെ ഇക്കാര്യങ്ങൾക്ക് വേണ്ടിയിട്ടുള്ള ചർച്ച ഇന്ത്യ ആരംഭിച്ചിരുന്നു. പശ്ചിമേഷ്യൻ സംഘർഷത്തിന്റെ പശ്ചാത്തലത്തിൽ അമേരിക്ക ഉപരോധ ഇളവ് നൽകാത്തതിന്റെ പശ്ചാത്തലത്തിലാണ് ഇന്ത്യയുടെ നീക്കം. ഇറാനെതിരെ പ്രഖ്യാപിച്ച ഉപരോധം കഴിഞ്ഞ വർഷമാണ് അമേരിക്ക ചാബഹാറിനും ബാധകമാക്കിയത്. നേരത്തെ ഇന്ത്യയുടെ അഭ്യർത്ഥന പ്രകാരം ഇളവ് ആറുമാസത്തേക്ക് നീട്ടിയിരുന്നു.