തൃശൂർ പൂരം കലക്കൽ: ‘വ്യക്തതക്കുറവുണ്ട്’; ക്രൈംബ്രാഞ്ച് റിപ്പോർട്ട് തള്ളി ആഭ്യന്തര വകുപ്പ്

2026 നവംബർ 15 ഞായർ

തിരുവനന്തപുരം: തൃശൂർ പൂരം കലക്കൽ കേസിൽ ക്രൈംബ്രാഞ്ച് റിപ്പോർട്ട് തള്ളി ആഭ്യന്തര വകുപ്പ്. റിപ്പോർട്ടിൽ വ്യക്തതക്കുറവുണ്ടെന്ന് ചൂണ്ടിക്കാട്ടിയാണ് ആഭ്യന്തര വകുപ്പിന്റെ ഈ നിർണായക നടപടി. കേസിൽ വിശദമായ അന്വേഷണം നടത്തി പുതിയ റിപ്പോർട്ട് സമർപ്പിക്കാൻ സംസ്ഥാന പൊലീസ് മേധാവിക്ക് (ഡിജിപി) നിർദേശം നൽകിയിട്ടുണ്ട്. പൂരം കലക്കിയതിന് പിന്നിൽ തിരുവമ്പാടി വിഭാഗക്കാരാണെന്നായിരുന്നു അന്വേഷണ റിപ്പോർട്ട്. എന്നാൽ, ഈ ആരോപണം സാധൂകരിക്കുന്നതിനാവശ്യമായ കൃത്യമായ തെളിവുകൾ റിപ്പോർട്ടിൽ ഇല്ലെന്നാണ് ആഭ്യന്തര വകുപ്പിന്റെ വിലയിരുത്തൽ. ക്രൈംബ്രാഞ്ച് മേധാവി എച്ച്. വെങ്കിടേഷിന്റെ നേതൃത്വത്തിലുള്ള പ്രത്യേക സംഘമായിരുന്നു കേസിൽ അന്വേഷണം നടത്തി റിപ്പോർട്ട് സമർപ്പിച്ചിരുന്നത്.

ക്രൈംബ്രാഞ്ച് മേധാവി എച്ച്. വെങ്കടേശിന്റെ നേതൃത്വത്തിലുള്ള സംഘമായിരുന്നു അന്വേഷണം നടത്തിയത്. പൂരവുമായി ബന്ധപ്പെട്ട് ആ വർഷം ഏർപ്പെടുത്തിയ നിയന്ത്രണങ്ങൾ ഇഷ്ടപ്പെടാത്ത തിരുവമ്പാടി വിഭാഗമാണ് പൂരം കലക്കിയതിന് പിന്നിലെന്നായിരുന്നു ഈ റിപ്പോർട്ടിലെ കണ്ടെത്തൽ. കലാപാഹ്വാനം, വിഭാഗങ്ങൾ തമ്മിൽ സ്പർധയുണ്ടാക്കൽ തുടങ്ങിയ കുറ്റങ്ങളായിരുന്നു തിരുവമ്പാടി ദേവസ്വത്തിനെതിരെ ചുമത്തിയത്. എട്ട് ഭാരവാഹികളെ പ്രതിപ്പട്ടികയിൽ ഉൾപ്പെടുത്തിയാണ് അന്വേഷണ റിപ്പോർട്ട് സമർപ്പിച്ചത്. സംഭവം നടന്ന് വർഷങ്ങൾ പിന്നിട്ടിട്ടും തുടർനടപടികൾ വൈകുന്നതിൽ വിമർശനങ്ങൾ ഉയർന്നിരുന്നു. ഏഴ് പേരെ പ്രതിചേർക്കാനുള്ള അന്വേഷണ സംഘത്തിന്റെ നീക്കത്തിനു പിന്നാലെ കേസിൽ രാഷ്ട്രീയ ഇടപെടലുകളുണ്ടെന്ന ആരോപണങ്ങളും ശക്തമായിരുന്നു.

അന്വേഷണം ഇഴഞ്ഞുനീങ്ങുന്നത് രാഷ്ട്രീയ പശ്ചാത്തലമുള്ളതിനാലാണെന്ന ആക്ഷേപവും ഉയർന്നിരുന്നു. പ്രത്യേക അന്വേഷണ സംഘം (എസ്ഐടി) ആറുമാസം മുമ്പ് തയ്യാറാക്കിയ റിപ്പോർട്ടിലാണ് ഏഴ് പേരെ പ്രതിചേർക്കാൻ ശിപാർശ ചെയ്തിരുന്നത്. അതേസമയം, മുൻ എഡിജിപി എം.ആർ അജിത് കുമാർ ഉൾപ്പെടെയുള്ള ഉദ്യോഗസ്ഥരുടെ ഇടപെടലുകളെക്കുറിച്ചും നേരത്തെ വിമർശനങ്ങൾ ഉയർന്നിരുന്നു. ക്രൈംബ്രാഞ്ച് റിപ്പോർട്ട് തള്ളി ആഭ്യന്തര വകുപ്പ് തള്ളിയതോടെ തുടർനടപടികൾ നിർണായകമാകും.