വളർമതിക്ക് പിന്തുണയുമായി പ്രതിപക്ഷം; എൽപിഎസ്ടി സമര വേദി സന്ദർശിച്ച് എംവി ഗോവിന്ദനും രാജീവ് ചന്ദ്രശേഖരനും അടക്കമുള്ള നേതാക്കൾ

2026 നവംബർ 12 വ്യാഴം

തിരുവനന്തപുരം: എൽപി എസ്ടി സമര വേദി സന്ദർശിച്ച് സിപിഎം സംസ്ഥാന സെക്രട്ടറി എം വി ഗോവിന്ദനും ബിജെപി നേതാവ് വി മുരളീധരനും കെ സുരേന്ദ്രനും. വളർമതിയെ പൊലീസ് വലിച്ചിഴച്ചാണ് അറസ്റ്റ് ചെയ്തതെന്ന് എം വി ഗോവിന്ദൻ കുറ്റപ്പെടുത്തി. ഭരണത്തിൽ വന്നാൽ ഒരു ആഴ്ച കൊണ്ട് പ്രശ്നം പരിഹരിക്കും എന്നാണ് വി ഡി സതീശൻ പറഞ്ഞത്. സർക്കാരിൻ്റേത് കാട്ടാളത്തപരമായ നിലപാടാണ്. പൊലീസ് സ്വേച്ഛദിപത്യപരമായി പന്തൽ പൊളിച്ചൽ സമരം ഇല്ലതാകില്ല. ഇപ്പോൾ നടക്കുന്നത് സഹന സമരമാണെന്നും പണ്ട് എന്ത് ചെയ്തില്ല എന്നതല്ല ഇപ്പോൾ എന്താണ് ചെയ്യുന്നത് എന്നാണ് നോക്കേണ്ടത് എന്നും എംവി ഗോവിന്ദൻ പ്രതികരിച്ചു. വളർമതി മുൻപും ഇപ്പോഴും സമരം ചെയ്തിട്ടുണ്ട്. ഉത്തരം പറയേണ്ടത് മുഖ്യമന്ത്രി വി ഡി സതീശൻ ആണ്. എൽ പി എസ് ടി സമരക്കാർക്ക് സമൂഹത്തിന്റെ മുഴുവൻ പിന്തുണയുണ്ടെന്നും സിപിഎമ്മും പിന്തുണ നൽകുന്നുവെന്നും എം വി ഗോവിന്ദൻ പറഞ്ഞു.

പണ്ട് എന്താണോ പിണറായി സർക്കാർ ചെയ്തത് അത് തന്നെയാണ് വി ഡി സർക്കാരും ചെയ്യുന്നതെന്നായിരുന്നു കെ സുരേന്ദ്രന്റെ പ്രതികരണം. വി ഡി സതീശൻ കാപട്യക്കാരനാണ്. അതാണ് ഇന്നലെ കണ്ടത്. പണ്ട് സമരം ചെയ്യുന്നവരെ സംരക്ഷിക്കുമെന്ന് പറഞ്ഞിരുന്നു. എന്നിട്ട് ഇന്നലെ ഉണ്ടായതോ? ജന്തർമന്തറിൽ നാടകം കളിക്കാൻ മുഖ്യമന്ത്രിക്ക് യാതൊരു ഉളുപ്പുമില്ല. ഇടതും വലതും രണ്ടല്ല ഒന്നുതന്നെയാണെന്നും പറഞ്ഞ വാക്കിന് വിലയുണ്ടെങ്കിൽ മുഖ്യമന്ത്രി സമരക്കാരുമായി ചർച്ച ചെയ്ത് പരിഹാരം കാണണമെന്നും കെ സുരേന്ദ്രൻ പറഞ്ഞു. അതേ സമയം, സമരക്കാർക്ക് പിന്തുണ അറിയിച്ച് കെഎസ്ടിഎ പ്രകടനം സെക്രട്ടറിയേറ്റിലേക്ക് വരുന്നു.