കൽപ്പറ്റ: ജനകീയസൂത്രണം വയനാട് ജില്ലാ ഫെസിലിറ്റേറ്ററായി (കേരള ഇൻസ്റ്റിറ്റ്യൂട്ട് ഓഫ് ലോക്കൽ അഡ്മിനിസ്ട്രേഷൻ -കില ജില്ലാ കോർഡിനേറ്റർ ) പനമരം ബ്ലോക്ക് പഞ്ചായത്ത് മുൻ വൈസ് പ്രസിഡണ്ട് അബ്ദുൽ ഗഫൂർ കാട്ടിയെ നിയമിച്ച് സർക്കാർ ഉത്തരവായി. ജനകീയ ആസൂത്രണ പദ്ധതികളുടെ തൃപ്തികരമായ നടത്തിപ്പിനും വികേന്ദ്രീക ആസൂത്രണ പരിപാടികൾ സർക്കാറും, സർക്കാർ സ്ഥാപനങ്ങളും നിർദ്ദേശിക്കുന്ന പ്രവർത്തനങ്ങളും കാര്യക്ഷമമായി ഏകോപിപ്പിക്കുന്നതിനും തദ്ദേശ സ്വയംഭരണ സ്ഥാപനങ്ങളിലെ പ്രതിനിധികൾക്കും ഉദ്യോഗസ്ഥർക്കും പരിശീലന പരിപാടികൾ സംഘടിപ്പിക്കുന്നതിനും ആയാണ് സർക്കാർ ജില്ലാതല ഫെസിലിറ്റേറ്റർ മാരെ നിയമിക്കുന്നത്.