ലഹരി തടയാൻ എക്സൈസ് ഓഫീസുകളിൽ ഡ്രഗ് ഡിറ്റക്ഷൻ കിറ്റുകൾ ഉറപ്പാക്കുമെന്ന് ബജറ്റിൽ പ്രഖ്യാപനം. തൂഫാൻ ദി നാർകോ ഹണ്ടിന് പത്ത് കോടി രൂപ അനുവദിച്ചു. എക്സൈസ് വകുപ്പിന്റെ പ്രവർത്തനങ്ങൾക്ക് 23.31 കോടി രൂപ വകയിരുത്തി. പുതുതലമുറ ലഹരി കണ്ടെത്താൻ ഡ്രഗ് ഡിറ്റക്ഷൻ കിറ്റുകൾ എക്സൈസ് ഓഫീസുകളിൽ ഉറപ്പിക്കുമെന്ന് മുഖ്യമന്ത്രി വിഡി സതീശൻ ബജറ്റിൽ പ്രഖ്യാപിച്ചു.
സ്ത്രീകൾക്ക് എതിരായ അതിക്രമം തടയാൻ ‘മകൾക്കൊപ്പം’ പുതിയ പദ്ധതി പ്രഖ്യാപിച്ചു. കുട്ടികൾക്കെതിരെയുള്ള അതിക്രമങ്ങൾക്ക് സീറോ ടോളറൻസ്. കുട്ടികൾക്ക് എതിരായ അതിക്രമം അറിയിക്കാൻ രഹസ്യ സ്വഭാവമുള്ള പോർട്ടൽ സജ്ജീകരിക്കും. സ്റ്റേഷൻ ഹൗസ് ഓഫീസർമാരായി കൂടുതൽ സ്ത്രീകളെ നിയമിക്കുമെന്നും ബജറ്റ്. കുട്ടികളെ അപമാനിക്കുന്നവർക്കെതിരെ അതിശക്തമായ നിയമ നടപടികൾ കൈക്കൊള്ളും.
ലൈറ്റ് മെട്രോ പദ്ധതി ഉൾപ്പെടെ വൻ പ്രഖ്യാപനങ്ങളും നടത്തിയാണ് യുഡിഎഫ് സർക്കാരിന്റെ ആദ്യ ബജറ്റ് അവതരണം. സ്വപ്നപദ്ധതിയായ മിഷൻ സമുദ്ര പദ്ധതി, ധാതുമേഖലയിൽ സ്വകാര്യ നിക്ഷേപം, ഏവിയേഷൻ ലോജിസ്റ്റിക് ഹബ്ബ്, ഗ്ലോബൽ ജോബ് വാച്ച് ടവർ, കാരുണ്യ പ്രവർത്തനങ്ങൾക്ക് വൺ കേരള കരുതൽ മിഷൻ , കേരളത്തെ ഉന്നത വിദ്യാഭ്യാസ ഹബ്ബാക്കി മാറ്റാൻ നോളജ് വാലി, കേരള ഗോൾഡ് ഹബ്ബ് എന്നിങ്ങനെ നിരവധി പ്രഖ്യാപവനങ്ങൾ അടങ്ങുന്നതായിരുന്നു ബജറ്റ്.