കൊച്ചി: സംസ്ഥാനത്ത് സ്വര്ണവിലയില് വീണ്ടും ഇടിവ്. പവന് 680 രൂപയാണ് കുറഞ്ഞത്. 104,880 രൂപയാണ് ഒരു പവന് സ്വര്ണത്തിന്റെ ഇന്നത്തെ വില. ഗ്രാമിന് ആനുപാതികമായി 85 രൂപയാണ് കുറഞ്ഞത്. ഒരു ഗ്രാമിന് 13,110 രൂപയാണ് ഇന്നത്തെ വില.
യുഎസ് ഫെഡറല് റിസര്വ് പലിശനിരക്ക് വര്ധിപ്പിച്ചേക്കുമെന്ന റിപ്പോര്ട്ടുകളും ആഗോള വിപണിയില് എണ്ണവില കുറയുന്നതും അടക്കമുള്ള വിഷയങ്ങളാണ് സ്വര്ണവിലയെ സ്വാധീനിക്കുന്നത്.
വിലക്കയറ്റം നിയന്ത്രിക്കുന്നതിന് യുഎസ് ഫെഡറല് റിസര്വ് പലിശനിരക്ക് കൂട്ടുമെന്ന റിപ്പോര്ട്ടുകളാണ് കഴിഞ്ഞദിവസങ്ങളില് സ്വര്ണവില കുറയാന് ഇടയാക്കിയത്. എന്നാല് അമേരിക്ക- ഇറാന് സമാധാന കരാറിനെ തുടര്ന്ന് എണ്ണവില ഗണ്യമായി കുറഞ്ഞതും സ്വര്ണവിലയില് പ്രതിഫലിക്കുന്നുണ്ട്. ഈ മാസത്തിന്റെ തുടക്കത്തില് 1,14,560 രൂപയായിരുന്നു ഒരു പവന് സ്വര്ണത്തിന്റെ വില. ജനുവരി 29ന് രേഖപ്പെടുത്തിയ 1,31,160 രൂപയാണ് സ്വര്ണ വിലയിലെ റെക്കോര്ഡ്. ഡിസംബര് 23നാണ് പവന് വില ആദ്യമായി ഒരു ലക്ഷം കടന്നത്.